Pasa den abenduaren 17an, Ignacio Sala, Atrápalo.com-en sortzailekidea eta aisialdi digitaleko lehen plataformetako baten bultzatzailea, gurekin izan genuen BIC Bizkaia Ezkerraldea-n.
Bisita hau gure 25. urteurrenaren ospakizunen parte izan zen, eta aukera paregabea izan genuen ekintzailetza digitalaren garapena lehen lerrora ekarri duen baten esperientzia zuzenean ezagutzeko.
Hitzaldian, Ignaciok gure inkubagailuko pertsona ekintzaileekin partekatu zituen bere ibilbidean ikasitakoak, bizitako erronkak eta gogoetak. Adimen Artifizialaren iraultza nabarmendu zuen —Internetek bere garaian ekarri zuen aldaketaren parekoa—, eta mezu indartsu bat utzi zigun:
“Trapezio aldaketa batean gaude. Bat askatu behar dugu hurrengoa heltzeko.”
Aldaketei aurre egiteko jarrera ekintzailea, norberarenganako konfiantza eta ikuspegia izan zituen hizpide. Eta, horrez gain, ekiteko bere 7 gako nagusiak ere partekatu zituen: argi izatea zer nahi den, ekintzara pasatzea, diziplina mantentzea, fokua ez galtzea, buruko ohitura osasuntsuak lantzea, ingurune egokietan mugitzea eta etengabeko hobekuntza-jarrera izatea.
Jardunaldi hau urte berezi bati amaiera bikaina emateko modua izan da guretzat. Gure 25. urteurrenean, Ezkerraldea, Meatzaldea eta Enkarterriko pertsona ekintzaileekin dugun konpromisoa berriro berresten jarraitzen dugu.
Esta jornada ha sido un gran broche final para un año muy especial. En nuestro 25 aniversario, seguimos reafirmando nuestro compromiso con las personas emprendedoras de Ezkerraldea, Meatzaldea y Enkarterri.
