Bosgarren urtez, SECOTeko enpresari seniorrak, duela denbora gutxi Bizkaian beste edizio bat hasi duen gazte ekintzailetzarako Explorer “Ideiak dituzten gazteak” (lehen Yuzz) ekimeneko kide dira. Prestakuntzako sei hilabeteetan 20 negozio ideia garatuko dituzten 33 partaide ditu.
SECOT, eurengana doazen pertsona guztiei enpresa proiektuen sorkuntzan eta mantentze lanetan aholkularitza ematen dieten senior enpresarien elkartea da. Bizkaian 40 senior inguru biltzen ditu, eta urtean 100 gazte ingururi ematen die aholkua.
Horietako bat Juán José Azpiroz da, SECOT elkarteko Bizkaiko idazkaria, eta gure Lurraldeko gazte ekintzailetzaren gakoetako batzuen berri ematen digu.
Zer iruditzen zaizueBICBizkaiaEzkerraldea aurrera eramaten ari den proiektua?
Oso positiboa eta, parte batean, SECOTen jarduera bat dator BIC Bizkaia Ezkerraldearen ekintza arloekin. Hori dela eta, bien arteko lankidetza modu naturalean eta positiboan ematen ari da.
Zuen esperientzia kontuan izanda, zer eskaintzen die Explorer-ek ekintzaileei?
Explorer oso programa osoa eta autosufizientea da, eta prestakuntzarako aberastasun handia du, elkarren osagarri diren hainbat alorretako partaideak baititu.
Zerk bultzatzen ditu gazteak ekintzailetzara?
Hoberena gazteei eurei galdetzea izango litzateke; ziurrenez, entzungo liratekeen erantzunen artean, ni neu izateko ditudan desioei erantzutea, nire ideia sortzaileak errealitate bilakatzea, nire esku egongo den lan etorkizuna lortzea… egongo lirateke.
Zeintzuk dira gazteek gehien egiten dituzten galderak?
Oso anitzakdira, beste batzuen artean, nire ekintzailetza ideia ona al da?, zuzena al da enpresa bat sortzeko hartu dudan bidea?, zeintzuk dira negozioaren hasieran aurkituko ditudan arazo nagusiak?, non lortuko dut finantzaketa?, non aurkituko dut aholkularitza egokia eta ez garestiegia?, etab.
Zein da gazte batek ekiteko orduan duen beldur nagusia?
Nik hiru ideia azpimarratuko nituzke: ideia errealista ez izatea eta enpresa egonkor bilakatu aurretik porrot egitea; hasteko eta lehenengo hilabeteetan edo urteetan irabazirik gabe eusteko finantzaketa iturriak ez aurkitzea; edo enpresaren lehen faseetako zailtasunen aurrean amore ematea.
Zein da ekintzailetza gehien jasotzen duen sektorea?
Guk lantzen dugun alorraren barruan zerbitzuen sektorea, eta, batez ere, informatikarekin erlazionatutako jarduerei buruzkoa.
Zerk balio du gehiago, laneko urteek ematen duten esperientziak edo gazteek euren ibilbide profesionalaren hasieran duten gogoak?
Argi dago gazteek ez dutela, orokorrean, urteetako esperientziarik eta, ondorioz, garrantzitsuena euren ezaugarri pertsonalak dira, euren bultzada, arriskuak hartzeko duten gaitasuna, hasieran porrot eginez gero ere amore ez emateko erabakia, eta lanerako eta sakrifiziorako duten gaitasuna.
