Neila Sanz My Elevator Pitch lehiaketan
Neila Sanz talentu gaztea, ekintzailetza espiritua, gizarte konpromisoa eta anbizioa duen emakumea da. 31 urterekin esperientzia inbidiagarria du Neilak eta helburuak lortu arte atseden hartzen ez duena da. Startup bati ekin zion duela gutxi bazkide batekin eta ondoren, KrArt plataforma (artelanak saldu eta erosteko) sortu zuen gazteen ideiak bultzatzeko Yuzz programaren laguntzaz.
Lanean hazteko bide horretan, duela aste batzuk estatu mailako My Elevator Pitch lehiaketan parte hartu zuen. Guztira, 40 proiektu parte hartu zuten eta bertan, berea, KrArt hain zuzen ere, aurkeztu zuen hainbat inbertsoreen aurrean.
Ekintzailea, idazlea eta Informazio Digitalen Sistemetan aditua da Neila; artxibategietan, liburutegietan eta marketing digitalean lanean aritu da; askoz gehiago: ‘Reflejos’, ‘Diario de Noches sin Luna’ eta ‘Días de Intensa Luz’ poema liburuxkak argitaratu ditu. Sinesten duenarekin ausarta.
Orain etxean da berriz ere eta lehiaketako, yuzzer gisa eta ekintzaile gisa bere esperientziari buruz hitz egin dugu.
Zein iritzi duzu BIC Bizkaia Ezkerraldean egiten den lanari buruz?
Dudarik gabe, oso beharrezkoa. Ekintzailetza oso bide zaila da, beraz, aholkularitza, laguntza eta BIC Bizkaia Ezkerraldea moduko erakundeen babesa izatea oso garrantzitsua da. Euren lana funtsezkoa da startupak martxan jartzeko.
MyElevator Pitch lehiaketan egon zara. Zer moduz esperientzia hori?
Sekulako esperientzia izan da gure proiektua inbertsoreei eta beste ekintzaileei aurkezteko aukera izan dugulako. Beste ekimen eta bere atzean dagoen talentua ezagutu ahal izan dut. Gainera, beste proiektuen aurkezpenei esker kontaktu sarea handitu dut, bai bezeroak lortzeko, bai hitzarmen estrategikoak ezartzeko.
Zertan datza zure proiektua? 
KrArt du izena, jatorrizko aplikazioa da, eleanitza eta multiplataforma. Babesleak ditu eta artelan bereziak eta esklusiboak saldu eta erosi daitezke gailu guztietan. Plataformak artistei eta babesleei inbertsioak eta finantzatzeko zerbitzua eskaintzen die. Beraz, aplikazioak bai artistak eta kultura sustatu egiten ditu, bai gizarteari mundu artistikoa ezagutarazten dio.
Yuzz programari esker zure proiektua sustatu ahal izan duzu?
Noski! Yuzz programak ideia izatetik ekintzara pasatzera lagun dit. Negozio plana egiteko, gure startupa martxan jartzeko eta aurkezpen konbentzigarri bat egiteko formazioa jaso dut. Hemendik antolatzaileei, profesionalei, koordinatzaileei, tutoreei eta kideei eskerrak eman nahi dit jasotako laguntza eta babesmen osoagatik.
Ekintzailetza da gure etorkizuna?
Beti izan ditugu ekintzaileak gure inguruan. Ideiak, talentua, jarrera eta berrikuntza babesten bada, orduan bai, ekintzailetza etorkizuna izango da. Niri, adibidez, nire proiektuak martxan jartzea gustatu zait eta nire ekarpentxoa gure gizarteari egitea, beraz, horren guztiagatik apustua egin behar dugu.
Ekintzailea jaio ala egiten da?
Gauza biak. Norbanakoak ekintzaile espiritua izan behar du baina trebetasuna ere landu egin behar da proiektu onak aurrea eramateko.
