Zein zerbitzu eskaintzen ditu Clarke, Modet & Cok?

Gure bezeroei, euren Jabetza Industrialeko eta Intelektualeko (JII-PII) aktiboen kudeaketa estrategikoan aholkularitza globala eskaintzen diegu.

Gure helburua berrikuntzaren prozesu osoan laguntzea da, horrela, lehiakortasuna eta etorkizuneko errentagarritasuna hobetuko dituzten negozio aukerak sortuz.

Prozesuan, berrikuntzaren lehen faseetatik gaituzte ondoan, sorkuntzaren eta babesaren aurreko aholkularitza zerbitzuekin, JII-PII zorroaren erregistrotik eta kudeaketatik hasi eta haren defentsatik eta kontroletik igaroz, errentagarri bilakatzeko, JII-PII aktiboen transferentzia eta ustiapen unera heldu arte.

Helburua gure bezeroekin batera lan egitea da, eurekin abantaila lehiakor hori sortzeko, erregistratuz aktibatzen eta eusten eta defendatzen laguntzeko, ondoren errentagarri bilakatzeko, gure bitartekaritza eta aholkularitza zerbitzuekin, ustiapen ekonomikoan.

Aldi berean, JII-PIIaren kudeaketarako politikak eta sistemak ezartzen eta horiei buruzko prestakuntza ematen egiten dugu lan.

 

Zein motatako enpresetara eta bezeroengana zuzentzen zarete?

Soslai anitzetako bezeroei zuzentzen gara: Multinazionalak eta ETEak; Unibertsitateak eta Ikerketa Zentroak; Ekintzaileak, Start-upak eta Spin-offak; Inbertsio funtsak, eta baita norbanakoak ere. Ia sektore guztietatik hurbiltzen zaizkigu: Bizitzako zientzietatik, Industria kimikotik, Ingeniaritza zibiletik, osasun teknologiatik, automobilgintzatik, moda eta banaketatik…

Zertan bereizten zarete sektore horretan aritzen diren gainerako enpresetatik?

 

Latino Amerikan, Espainian, Portugalen eta portugesez egiten duten herrialdeetan espezializatutako herrialde anitzeko taldea garenez, Jabetza Industrialarekin eta Intelektualarekin erlazionatutako beharrak oso ondo ezagutzen laguntzen digun ikuspegi integral eta berezitua daukagu. Horrez gain, hainbat negozio arlotan eta sektoretan zure JII-PII estrategian lagunduko dizuten toki eta nazioarte mailako ezagutza zabala duten diziplina anitzeko talde espezializatuak ditugu.

 

Ostiral honetako Friday casual Meeting-ean hartu behar duzu parte. Zer esan nahi du zuretzat eta zure enpresarentzat horrelako ekitaldi batean parte hartu ahal izateak?

 

Oso eskertuta gaude hain arlo espezifikoan, konplexuan eta zerbait ezezagunean laguntzeko gurekin harremanetan jarri direlako.

Horrez gain, aukera bikaina da hobeto ezagutu gaitzaten, eta are gehiago ekintzaileei laguntza ematen dieten agentzietako eta entitateetako parte diren enpresen eta erakundeen artean.

 

Zer itxaroten duzu jardunaldi honetatik?

 

Batez ere, BICen dauden startup edo enpresa horiei guztiei, berrikuntzak oso balio garrantzitsua duela ulertzen laguntzea, industria ondarearen eta etorkizunaren parte dela, eta, horregatik, babestu egin behar dela, enpresa izan dadin horren erabateko jabea.

 

Zertan datza “Jabetza Intelektualaren garrantzia. Babestu zure ideia” zure hitzaldiak?

 

Berrikuntzak balio ekonomikoa duela frogatzen ahalegintzea, etekina atera behar zaion ukiezina dela, eta funtsezkoa dela sektorearen lider izateko lehiakideetatik bereizteko.

Jabetza Industrialak eta Intelektualak babes hori lortzeko eta berriztatzeko egin behar den I+G horren inbertsioa errentagarri bilakatzen laguntzeko ematen dizkien tresnen azterketa orokorra egitea.

 

Zer iruditzen zaizu berrikuntzan eta ekintzailetzan erreferentziazkoa den zentro bat egotea,  BIC Bizkaia Ezkerraldea, hain zuzen ere?

 

Esan dudan bezala, ekintzaileei laguntzen dien eta, hasieratik, enpresa proiektuak aurrera atera ahal izateko hain beharrezkoak diren erakundeen arteko oso ekimen ona da. Aldundiei eta laguntza ematen duten gainerako erakunde publikoei esker, gune horiek Berrikuntzarako beste funtsetako bat dira.